അണ്ടർവെയർ വാങ്ങൽ

നാട്ടിൽ അവധിക്കു പോയപ്പോൾ എറണാകുളത്തു നിന്നും കാർ തോപ്പുംപടി എത്തിയപ്പോൾ ഞാൻ ആ റെഡിമെയ്‌ഡ്‌ കട കണ്ടു. നമ്മുക്ക് എല്ലാവർക്കും എന്തെങ്കിലുംഒരു അന്ധവിശ്വാസം ഉണ്ടല്ലോ. എന്റേത് ഭാഗ്യമുള്ള 'SOLO' ബ്രാൻഡ് അണ്ടർവെയർ ആണ്. ഭാഗ്യമുള്ള അണ്ടർവെയർ ഇട്ടാൽ ഓഫീസിലെ റിവ്യൂ പോലെയുള്ള കഷ്ടകാലം വരാൻ സാധ്യതയുള്ള സമയങ്ങൾ ഞാൻ പുല്ലു-പുല്ല് പോലെ  നേരിടും എന്ന് ഒരു അന്ധവിശ്വാസം. ബാംഗളൂരിൽ ഈ ബ്രാൻഡ് ഇത് വരേ കിട്ടിയിട്ടില്ല. വണ്ടി സൈഡിൽ ഒതുക്കി ഭാര്യയോട് ഇപ്പം വരാം എന്ന് പറഞ്ഞു ഞാൻ കടയിലേക്ക് പോയി. 

രണ്ടു നിലയുള്ള കട. ഭയങ്കര തിരക്ക്.  താഴത്തെ നിലയിൽ സാരീ, ബ്ലൗസ് ഒക്കെ.  കൗണ്ടറിൽ മുഴുവൻ സെയിൽസ് ഗേൾസ്. പഴയ ഓർമയും അവരോടു  ചോദിക്കാൻ ഉള്ള മടി കൊണ്ടും, ഒന്നും ചോദിക്കാതെ ഞാൻ മുകളിലത്തെ നിലയിലേക്ക് നടന്നു കയറി. ചെന്ന് കയറിയത് ലേഡീസ് & കുട്ടിസ് സെക്ഷൻ ആണെന്ന് തോന്നുന്നു.  മുഴുവൻ പെണ്ണുങ്ങൾ. റെഡിമെയ്‌ഡ്‌സ് തിരയുന്ന അവർക്കിടയിൽ ഒരു അമ്മച്ചി അവരുടെ കൊച്ചു മോൻ എന്ന് തോന്നുന്ന ഒരു തല തെറിച്ച ചെറുക്കനെയും കൊണ്ട് കൗണ്ടറിൽ നിന്നും മാറി ചൂടിധാർ ഇട്ടു നിൽക്കുന്ന ഒരു ബൊമ്മയുടെ അടുത്ത് നില്കുന്നു.  

ചെറുക്കൻ ബൊമ്മ നശിപ്പിക്കാതിരിക്കാൻ അമ്മച്ചി സ്വന്തം കൈ കൊണ്ട് ബൊമ്മയുടെ ഒരു കൈ പിടിച്ചിരിക്കുന്നു.  മറ്റേ കൈ കൊണ്ട് ചെറുക്കനെ പിടിച്ചിട്ടുണ്ടെങ്കിലും അമ്മച്ചിയുടെ ശ്രദ്ധ മുഴുവൻ കൂടെ വന്നവർ നോക്കുന്ന തുണികളിൽ ആണെന്ന് മനസ്സിലാക്കിയ ചെറുക്കൻ, അമ്മച്ചിയുടെ ശ്രദ്ധയിൽ പെടാതെ പതുക്കെ-പതുക്കെ ബൊമ്മയുടെ കാലു ഊരി കൊണ്ടിരിക്കുകയാണ്. 

പെണ്ണുങ്ങൾ മാത്രം ഉള്ളത് കൊണ്ടായിരിക്കും ഞാൻ കേറി ചെന്നപ്പോൾ എല്ലാവരും ചെയ്യുന്ന ജോലി നിർത്തി എന്നെ ഒന്ന് സൂക്ഷിച്ചു നോക്കി. കൗണ്ടറിൽ എങ്ങും ആണുങ്ങളെ കാണാത്തത് കൊണ്ട് ഞാൻ അവരുടെ കൂട്ടത്തിൽ ഒഴിഞ്ഞ ഒരു കൗണ്ടറിൽ നിൽക്കുന്ന പെൺകുട്ടിയോട് ശബ്ദം താഴ്ത്തി ചോദിച്ചു, "inner wear എവിടെ ആണ് ?" അവള് പറഞ്ഞു, "താഴെ".  

വീണ്ടും താഴേക്കു പോകാൻ ഏണിപ്പടി ഇറങ്ങുമ്പോൾ പിന്നിൽ ഒരു ചെറിയ കോലാഹലം. ആ കുരുത്തംകെട്ട ചെറുക്കൻ ബൊമ്മയുടെ കാല് ഊരി.  ബൊമ്മയുടെ ഒരു കൈയിൽ പിടിച്ചിരുന്ന അമ്മച്ചിയെ ഞെട്ടിച്ചു കൊണ്ട് ആ കൈ ഊരി അവരുടെ കൈയിൽ പോന്നു. അറിയാതെ അമ്മച്ചിയുടെ വായിൽ നിന്നും ഒരു "അയ്യോ" പറഞ്ഞു തീരും മുൻപ് ബൊമ്മ  മൂക്കും കുത്തി ഡിം!   കൈയിൽ ഊരി പോന്ന ബൊമ്മയുടെ കൈ ഏതോ പല്ലിയുടെ മുറിഞ്ഞ വാല്  കൈയിൽ അകപ്പെട്ട ഒരാളുടെ അറപോടെ അമ്മച്ചി ദൂരെ എറിഞ്ഞു.

 കോണിപടി ഇറങ്ങി താഴത്തെ നിലയിൽ എത്തിയ എന്റെ മുന്നിൽ വെള്ള മുണ്ട് ഉടുത്ത, കടയുടെ ഉടമസ്ഥൻ എന്ന് തോന്നിക്കുന്ന ഒരു കാരണവർ പ്രത്യക്ഷപെട്ടു.  മുകളിലത്തെ നിലയിലേ ബഹളത്തിന് ഇടയിൽ ഏണിപ്പടി ഇറങ്ങി വരുന്ന എന്നെ കണ്ടപ്പോൾ അങ്ങേർക് തോന്നി കാണും ഞാൻ ആണ് ബഹളത്തിന് കാരണക്കാരൻ. 

"ഉം ?" ഒന്നു അമർത്തി മൂളി എന്റെ മുന്നിൽ നിന്നും മാറാതെ നിന്നു.  ഒരു ആണിനെ കണ്ട ആശ്വാസത്തിൽ ഞാൻ അങ്ങേരോട് ശബ്ദം താഴ്ത്തി ചോദിച്ചു,, "inner wear എവിടെ ആണ് ?"

"ഷഡ്ഢി ആണോ അതോ ബനിയനോ?"

ഉച്ചത്തിൽ ഉള്ള ആ ചോദ്യം ആ കൊച്ചു കടയിൽ മുഴങ്ങി. കടയിൽ ഉള്ള മുഴുവൻ പെണ്ണുങ്ങളും അവരവർ ചെയ്തിരുന്ന കാര്യങ്ങൾ നിർത്തി എന്നെ സൂക്ഷിച്ചു നോക്കി. അയാളുടെ മുന്നിൽ നിന്നും എങ്ങനെ എങ്കിലും രക്ഷപെടാൻ വേണ്ടി ഞാൻ ഒച്ച താഴ്ത്തി പറഞ്ഞു, "രണ്ടും. Solo ബ്രാൻഡ്" !"

"പ്രഭു,  ഈ സാറിനു Soloവിന്റെ ഷഡ്ഢിയും ബനിയനും കാണിച്ചു കൊടുക്കു"

സമാധാനം ആയി.  കൊച്ചി മുഴുവൻ അറിഞ്ഞല്ലോ ഞാൻ SOLOവിന്റെ അണ്ടർവെയർ വാങ്ങാൻ ഇവിടെ വന്ന കാര്യം. ഇങ്ങേർക്ക് പതുക്കെ സംസാരിക്കാൻ അറിയില്ലേ ?

മുന്നിൽ പ്രഭു എത്തി.  മറ്റൊരു കാരണവർ.  എന്നെ അടിമുടി നോക്കിയിട്ട് വീണ്ടും ഉച്ചത്തിൽ ചോദിച്ചു "സൈസ് തൊണ്ണൂരോ അതോ തൊണ്ണൂറ്റഞ്ചോ ?"

ഉടനെ വന്നു ആദ്യത്തെ കാരണവരുടെ ഉത്തരം, കണ്ടാൽ അറിഞ്ഞൂടെ 90 ആണെന്ന് ?  ഇപ്രാവശ്യം കടയിലെ പെണ്ണുങ്ങൾ എന്നെ നോക്കിയപ്പോൾ അവർ എന്നെ കണ്ണ് കൊണ്ട് അളന്നു നോക്കുന്നോ എന്ന് എനിക്കൊരു ശങ്ക. 

പ്രഭുവിന്റെ അടുത്ത ചോദ്യം, ഇതിൽ ഏതു കളർ ഷഡ്ഢി വേണം ? 

കൗതുകതോടെ പെണ്ണുങ്ങൾ വീണ്ടും എന്നെ നോക്കി.  അയാൾ ഇനിയും ഒച്ച വെക്കുന്നതിന് മുൻപേ എടുത്ത വെച്ച അഞ്ചു കളരും ഞാൻ എടുത്തു. എന്നിട്ട് ബില്ല് അടിക്കാൻ പറഞ്ഞു.  ബില്ലിംഗ് കൗണ്ടറിൽ കാശ് കൊടുക്കാൻ നിൽകുമ്പോൾ ലൈനിൽ നിൽക്കുന്ന പെണ്ണുങ്ങൾ എന്നെ ഭയങ്കര പരിചയ ഭാവത്തിൽ ചിരിക്കുന്നു.  

എന്താണെന്നു അറിയില്ല കാശ് കൊടുത്തു ഇറങ്ങുമ്പോൾ,  HIT കിടനാശിനീ തളിച്ചിട്ടും കഷ്ടിച്ച്  രക്ഷപെട്ട പല്ലിയുടെ പോലെ ആശ്വാസം !

Soaking it in

My daughter Nikki & my nieces who live in Mumbai-Meghan-5 years & Diandra-7 years were talking & arguing on a Video call on the phone.

Nikki asked the younger one, "Megu, Are you a Paavam?"(Paavam=Malayalam word meaning Poor/innocent/pitiable etc)

She asked back, "What is Paavam ?"

Nikki gave an interesting explanation, "Paavam means beautiful. Are you a Paavam ?"

Without even pausing for a second pat came  the answer, "Yes! I am Paavam!"

Next Nikki asked Diandra, "Dee, are you also a Paavam?"

She hadn't heard the conversation with the younger one, so she asked once again, "What is Paavam? "

5 year old Meghan took it upon herself to explain to her older sister. In a matter of fact tone she stated, "Paavam means beautiful!"

On hearing this statement without any further delay came the confident answer from Diandra as well, "Yes. I am Paavam!"

Nikki couldn't help smiling. Noticing this the elder one quick to smell a rat asked, "Nikki, why are you smiling ?"

Nikki continued smiling and says, "I am soaking in the moment!"

Diandra was totally puzzled. She asked again, "I didn't understand. What do you mean soaking in the moment?"

Before Nikki can reply pat comes the explanation from her 5 year old sister in a patronising tone which adults use to explain to a toddler, "Like we soak Almonds & Raisins, na ? She is also soaking !"

Motivation on cold wintery mornings

Early morning(Dark morning as my daughter used to say when she was little),  a figure sits on the bed,  completely covered with the blanket. I watch while brushing my teeth. Even the face is hidden under the blanket. Motionless, it sits. No signs of stirring.I finish brushing and realise the person is trying to sleep sitting up, hidden inside the blanket.

"Hallo! Good morning!" I call out cheerily.

"Mornin" a muffled voice of unadulterated sorrow replies. 

"Not getting up ?" I ask.

"I don't want to go to school."

"Why ?"

"Its so cold. I didn't sleep at all yesterday. I am sleepy. My head is aching. I don't want to go to school today"

"C'mon. You could come back from school and sleep"

"I don't want to go to school"

"Now, now. You are a teacher. What will your students think if you don't go. You must go"

"I don't want to go to school" a plaintive wail from deep inside the blanket covered figure

ഒരു ഇൻഷുറൻസ് കഥ

അംബാനി അങ്കിൾ ആന്റിലിയ കൊട്ടാരം  പണിയുന്ന സമയം.  വീട്  പണി ഒക്കെ  ഏകദേശം തീരാറായ  സമയം  വീട്ടിൽ ഫയർ  പ്രൊട്ടക്ഷൻ സിസ്റ്റം  ഫിറ്റ്‌ ചെയ്യുന്നു. അന്നെനിക്ക്  ഒരൂ ഇൻഷുറൻസ് കമ്പനിയിൽ ആണ് ജോലി. എന്റെ ഒരു  ക്ലയന്റ്  ആണ്  ഫയർ പ്രൊട്ടക്ഷൻ സിസ്റ്റം  സെറ്റപ്പ്  ആകുന്നത്. ഞങ്ങൾ  ഇൻഷുര്  ചെയ്ത പണി  തീരാറായി.

 

ഒരു  ദിവസം  അതിന്റ സെൻസർ  തീ  ഒന്നും  ഇല്ലാതെ  തന്നെ  ട്രിഗ്ഗർ ആയി,  സ്പ്രിംക്ലേഴ്‌സ്  എല്ലാം ഓൺ ആയി. വീട്  മുഴുവൻ  മഴ പെയ്യ്ത  മാതിരി  വെള്ളം.  ഇൻഷുറൻസ് ക്ലെയിം  നോട്ടിഫിക്കേഷൻ വന്നു. ക്ലെയമിന്റെ മൂല്യം നാല് കോടി !

തീ  പിടിക്കാതെ എങ്ങിനെ  ഇത്രയും വലിയ തുക എന്ന ചോദ്യം വന്നു.  അംബാനി  അങ്കിൾന്റെ  വീട്ടിൽ മുഴുവൻ  വില കൂടിയ  പെയിന്റിംഗ്‌സും കാർപെറ്റും  നശിച്ചു  പോയി. 

എന്റെ  ക്ലയന്റ്  പോയി  അംബാനി അങ്കിൾന്റെ  കാലിൽ വീണ്  കാണണം.  അങ്ങേര്  പറഞ്ഞു,  "പോട്ടെ സേട്ടാ,  ഞാൻ  ക്ഷമിച്ചിരിക്കുന്നു. ഡോണ്ട്  റിപീറ്റ്  ഇറ്റ്". ഇൻഷുറൻസ് ക്ലെയിം പിൻവലിക്കപ്പെട്ടു.

ഒരു  ഒന്നര  മാസം  കഴിഞ്ഞ് കാണും. വീണ്ടും  സെൻസർസ്  ട്രിഗ്ഗർ  ആയി വീടിന്റെ  ഉള്ളിൽ മഴ  പെയ്യ്തു.

ഇപ്രാവശ്യം ക്ലെയിം മൂല്യം ആറു കോടി. അംബാനി  അങ്കിൾ  ഞങ്ങടെ  ക്ലയന്റിനെ  പഞ്ഞിക്കിട്ടു കാണും. ഇൻഷുറൻസ്  കമ്പനി നാലര കോടിക്ക്  ഒത്തുതീർപ്പാക്കി   എന്നാണ്  ഓർമ്മ  

ഇപ്രാവശ്യം  ഇൻഷുറൻസ് കമ്പനി  ക്ലയന്റിനോട് ചോദിച്ചിട്ട്ട്ടുണ്ടാവും, നിങ്ങൾക്ക്  അറിയാത്ത  പണി എന്തിനാ സേട്ടാ  ചെയ്യുന്നത് ? "

Family Pack body

ഞാൻ ആള് പുലിയാണ് എന്ന വിചാരം,  കുടവയർ കൂടിയിട്ടും അഹങ്കാരത്തിന് ഒട്ടും കുറവില്ലാത്ത സ്ഥിതി.

 ഭാര്യ ഞാൻ അറിയാതെ,  ഞാൻ    മസ്സിൽ-പിടിക്കാതെ,  ശ്വാസം വിട്ട് നിൽക്കുന്ന നേരത്ത് മൊബൈലിൽ ഒരൂ ഫോട്ടോ എടുത്ത് എനിക്ക് തന്നെ അയച്ചു തന്നു.

ഫോട്ടോ കണ്ട് എന്റെ ഷേപ്പിന്റെ സത്യാവസ്‌ഥ കണ്ട് ഞാൻ ഞെട്ടി. ചന്തുവിനെ തോൽപിച്ചു കളഞ്ഞു മക്കളേ !തോൽപിച്ചു കളഞ്ഞു !

സ്വന്തം ശരീരം  ആണെന്ന് പറഞ്ഞിട്ട് ഒരൂ കാര്യവുമില്ല. 

 എന്തൊരു വൃത്തികേട് !

 ഒരു മാതിരി പട്ടിണി കിടക്കുന്ന  സൊമാലിയകാരും മണ്ഡരി രോഗം പിടിപെട്ട തെങ്ങിന്റെയും സമ്മിശ്ര രൂപം. ഓലകൾ ഒരൂ വൃത്തകൃതിയിൽ പോയ തെങ്ങിന്റെ മാതിരി കഷണ്ടി തല,  സോമാലിയയിലെ പട്ടിണി കുഞ്ഞുങ്ങളുടെ പോലെയുള്ള ഒരു കുടുവയറും. ഹൗ,  എന്തൊരു വൃത്തികേട്. എനിക്ക് എന്നെ പറ്റി തന്നെ ഒരു പുച്ഛം തോന്നി.

തീരുമാനം ഒട്ടും വൈകിച്ചില്ല.  ഇന്ന് പ്ലെയ്സ്റ്റോറിൽ നിന്നും രണ്ട് exercise ആപ്പ് ഇൻസ്റ്റാൾ ചെയ്തു ഇന്ന് തന്നെ തുടങ്ങി യുദ്ധം !

അപ്പോഴാണ് കാര്യങ്ങളുടെ ഒരു കിടപ്പ് എനിക്ക് ശരിക്കും മനസ്സിലായത്. 

എന്റെ മനസ്സിൽ ഞാൻ പുല്ല്-പുല്ല് പോലെ ചെയ്യും എന്ന് വിചാരിച്ച എക്സ്ർസൈസ് ഒന്നും അങ്ങട്ട് ആവണില്ല. 

ഒരൂ 15 pushup കഴിഞ്ഞ് ഒരു 15 squat ചെയ്തത്തോടെ ഞാൻ കിതക്കുന്നു. 

15 crunch ചെയ്യാൻ ആപ്പ് കൗണ്ടഡോൺ തുടങ്ങി പക്ഷെ പടിപത് പണി ഞാൻ നോക്കിയിട്ടും എന്റെ തലയും കാലും അങ്ങ് വയറിന്റെ നിയന്ത്രണാരേഖക് അപ്പുറം കടക്കുന്നില്ല !

രണ്ടും മുട്ടിക്കാൻ ഞാൻ നോക്കിയത് വെറും ഒരൂ പ്രഹസനം ആയി മാറി ഞാൻ തോൽവി സമ്മതിച്ചു !

ഇത്രയും വൃത്തിക്ക് ഒരാളുടെ ഈഗോ  തകർക്കാൻ എക്സ്ർസൈസ്ഇന് കഴിയും എന്ന് മനസ്സിലായി. 

ഇന്നത്തേക്കു തോൽവി സമ്മതിച്ചു നിറുത്തി. 

നാളെ പൂർവാധികം ശക്തിയോടെ തിരിച്ചടിക്കണം. ആപ്പിൽ പറയുന്ന സകല പരിപാടിയും ഞാൻ ചെയ്യണം എന്ന് ധൃഡാനിശ്ചയത്തോടെ ആദ്യ രംഗത്തിന് തിരശീല വീഴ്ത്തി

തലമുടിക്ക് വളം

അമ്മ പറഞ്ഞു,  "മോനെ നിന്റെ മുടി  ഉച്ചിയിൽ നിന്നും പോയി കഷണ്ടി ആയി.  എന്ത് കട്ടിയുള്ള ചുരുണ്ട  മുടി ആയിരുന്നു". 

"അതെ അമ്മേ,  എല്ലാ മുടിയും പോയി" എന്റെ ഭാര്യയും കൂടെ കൂടി. 

രണ്ട് പേരും കൂടി എന്റെ തലയെ പറ്റി  ഒരൂ തീരുമാനം എടുത്തു.  ഒലിവ്  ഓയിൽ, കാസ്റ്റർ  ഓയിൽ,  വെളിച്ചെണ്ണ  എന്നിവ ഓരോന്നും ഒരു  പ്രത്യേക അളവിൽ ഉണ്ടാകുന്ന മാന്ത്രിക എണ്ണ ഞാൻ സ്ഥിരമായി  തലയിൽ തേക്കണം. അപ്പോൾ  മുടി പുല്ല് പോലെ  തഴച്ചു വളരും. 

ഇവരോട്  ആരാണ്  ഒന്ന്  പറഞ്ഞു  മനസ്സിലാകുക ? എണ്ണയിട്ട് വളർത്തേണ്ട സമയം എല്ലാം  കഴിഞ്ഞ് പോയി. ഇനി  വല്ല ഫെവിക്കോൾ പശ വെള്ളത്തിൽ കലക്കി മുടി ഒട്ടിച്ചുവെക്കേണ്ട സമയം  ആയി എന്ന് 🙃

സഹോദര സ്നേഹം

കഴിഞ്ഞ ഒരാഴ്ചയായി അയാൻ പനി,  ദേഹംവേദന, ഛർദിൽ മുതലായ കലാപരിപാടികളിൽ  മുഴുകി ഇരിക്കുന്നു. 

അവന്റെ തന്തയും തള്ളയും ഇത് ഡെങ്കി പനിയോ, മലേറിയോ അതോ മറ്റ് ഭീകര പനികളെ ആണോ എന്ന് ഓർത്ത്  പേടിച്ചിരിക്കുന്നു. 

ഹോസ്പിറ്റലിൽ പോയി ഡോക്ടറെ കണ്ടു ബ്ലഡ്‌ ടെസ്റ്റ്‌ ചെയ്യാൻ പോകുമ്പോൾ,  അവന്റെ ചേച്ചി വന്ന്‌ അടുത്ത്,  സ്നേഹപൂർവ്വം അവനോട് ചോദിച്ചു, "എങ്ങനെ ഉണ്ടെടാ? പനി കൂടൂതൽ ആണെന്ന് തോന്നുന്നോ?"

ചേച്ചിയുടെ സ്‌നേഹം കണ്ടു അവരുടെ തന്തയുടെയും തള്ളയുടെയും കണ്ണുകൾ നിറഞ്ഞു.

ഉടനെ വന്നു അവന്റെ ചേച്ചിയുടെ അടുത്ത സ്നേഹഷ്മളമായ ചോദ്യം, "എടാ,  നീ പനി വന്ന്‌ ചത്തു പോയാൽ, നിന്റെ Groot chain ഞാൻ എടുക്കും"

അത്രയും നേരം ഇപ്പം ചാവും,  ഇപ്പം ചാവും എന്ന് മാതിരി കിടന്നിരുന്ന അവൻ സഡ കുടഞ്ഞു എണിറ്റു.  "അങ്ങനെ ഒന്നും ഞാൻ ചാകില്ലെടി ! ഇനി ഞാൻ ചത്താലും തരില്ലെടി "

ഞങ്ങളുടെ കണ്ണുകൾ വീണ്ടും നിറഞ്ഞു

ആത്മാർത്ഥത

വീട്ടിൽ ടീച്ചർ ഭാര്യ കളർ പേപ്പറുമായി ഉടുപ്പ് ഇസ്തിരി ഇടുന്ന  മേശപ്പുറത്തു ഗുസ്തി.

കണ്ടു അടുത്ത് ചെന്ന് നോക്കിയപ്പോൾ മീൻ ചട്ടി കമഴ്ത്തി വെച്ചിരിക്കുന്നു.

ഇതെന്താണ് എന്ന് ചോദിച്ചു. 

CIRCLE വരക്കാൻ ആണ് എന്ന് ഉത്തരം.

ടീച്ചർമാരുടെ ആത്മാർത്ഥത ഓർത്ത് രോമാഞ്ചം കൊണ്ട്.  ഇത് വല്ലോം ആ തല്ലിപ്പൊളി parents അറിയുന്നുണ്ടോ?

Ayaan's 10 standard results

14th July 2020[Tuesday)

Ayaan has been on pins and needles waiting for his 10th Std CBSE results.

His 12th standard elder sister noticing his tense face asks him, "Your classmates have all put God pictures on their insta profile. Aren't you putting up one too ?"

Ayaan(with a stoic face) 

"No. I am not doing that"

"You dumb Shit! Only you will fail in your class. Everybody else will pass"

Ayaan has a shocked & worried look.

<Fadeout scene>

15th July 2020(Wednesday)

The result comes out in the afternoon. He has passed with a decent 72% !

16th July 2020(Thursday) evening 7:10 pm

Their parents(me & my wife) are sitting in the front hall. His sister is talking to us. Suddenly she remembers something, and with a grin asks out loud, "Do you know why Ayaan passed  ?"

Her mother and I exchange puzzled glances and ask, "Why ?"

"Its because he put the God's picture on his insta profile like his classmates !".She grins ear to ear at having gotten her brother.

From inside Ayaan's room a voice floats out, "For you its a joke !"

I call out to him, "So you put up the God's picture like your classmates, eh  ?"

"I can't take any chances !" is the subdued response

<Scene fadeout amid his sister's and parent's laughter>

Ninja warriors അഥവാ നിഞ്ച കുഞ്ഞുങ്ങൾ

അപാർട്മെന്റ്  ഗ്രൂപ്പിൽ  ഇന്നലെ രാവിലെ  ഒരു  10 മണി ആയപ്പോൾ കുറെ  മെസ്സേജുകൾ
"Did Daily Ninja come today ? We didn't get Milk today"
"No! They didn't deliver Milk today as well!"
"Ninja is becoming very unreliable, nowadays!"

ഈ "Ninja" നമ്മുടെ ജപ്പാൻകാരുടെ കരളി  സോറി  കളരി അല്ലെ ? ഇവന്മാർകും  കഷ്ടകാലം  ആയോ  ? യുദ്ധവും  അഭ്യാസവുമൊക്കെ  നിറുത്തി Ninja  ടീംസ് ഇപ്പം  എരുമയെയും  പശുവിനെയും  വാങ്ങി പാൽ കച്ചവടം തുടങ്ങിയോ ?

പിന്നെ അറിഞ്ഞു 'Daily Ninja' ഒരു  ഫുഡ്‌  ഡെലിവറി ആപ്പ്  ആണ്.  പാലും മറ്റ്  ഭക്ഷണ  സാധനങ്ങളും മൊബൈലിലിൽ  ഓർഡർ  ചെയ്താൽ സാധനം വീട്ടിൽ  എത്തിക്കുന്ന  ഒരു മൊബൈൽ  ആപ്പ് .

എന്റെ  Ninja പരമ്പര ദൈവങ്ങളെ , നിങ്ങൾ ഇത് വല്ലതും കാണുന്നുണ്ടോ ?